雖然沒有血緣關係，但沈殿霞和張學友的20年契母子情誼，比許多真正的母子還要深厚。由於學友家有白事，未能出席昨日紅館舉行的肥姐追思會，但大會播放其錄影片段時，片中的學友憶述契媽即哭紅了眼，哽咽說：「如果真係有輪迴，希望肥姐再返嚟呢個世界，再帶啲歡樂畀大家。」
無綫昨日假紅館舉行《肥姐我們永遠懷念您》追思會，大批演藝界人士出席，向肥姐送上最後和最深切的祝福，與肥姐相交20年的契仔張學友因其外祖母剛去世，未能參加追思活動，不過他仍為大會錄影片段，帶淚悼念肥姐。
「返嚟帶歡樂畀大家」
學友在片中表現傷感，甫開始便哭紅了眼，要深深吸一口氣後才說：「或者我覺得……呢個世界係好需要好似肥姐嘅人喺度。肥姐嘅離開，對我嚟講就好似一個親人離開咁，係好難過嘅事。當然都知道佢都係辛苦，如果佢去到一個舒服啲嘅地方，我哋都會覺得開心。我覺得肥姐係好值得我哋去學習嘅榜樣，如果真係有輪迴，點都好，我都好希望肥姐可以再返嚟呢個世界入面，再帶啲歡樂畀大家。」
其間學友一度哽咽，他難過地說：「我知道肥姐心裏面最重要嘅人係欣宜，欣宜將來會唔會成為一個比肥姐更出色嘅藝人，我諗對肥姐都唔重要，肥姐只係希望佢可以成為一個好開心嘅人，成為一個好人，肥姐嘅朋友都會好支持佢，欣宜唔好畀自己太大壓力，其實做一個負責任嘅人已經好足夠。喺呢度再一次多謝肥姐對我嘅照顧、幫忙。」台下欣宜更忍不住以紙巾拭淚。
「欣宜是肥姐生命延續」
其實無綫本邀請學友在追思會上獻唱《祝福》，基於他缺席，遂改邀陳奕迅（Eason）頂上，豈料他撞了昨日的新城記者會檔期無奈推辭，結果由陳潔靈演繹《明星》，但至活動尾聲的獻花環節，現場也不停播放《祝福》的音樂。
Eason昨往荃灣出席新城記者會，途中收看肥姐主診醫生盧寵茂在追思會上致辭，提及肥姐到臨走一刻最不捨得的眼神便是欣宜，Eason說：「我做爸爸嘅感受都係咁，我覺得欣宜係好堅強嘅女仔，面對咁多嘢都頂得住，我想肥姐剩低開心回憶、對工作同生命熱誠畀我哋，再畀我哋感受到嘅就係欣宜。」他稱大家要錫欣宜，因她是肥姐的生命延續。
採訪：馬建華 攝影：仇志德
娛樂資料庫：拍《南北媽打》結緣
張學友和肥姐結緣甚深，88年二人合演電影《南北媽打》，此後學友即以「媽咪」暱稱肥姐，大家時有聚會。06年11月肥姐接受肝腫瘤切除手術後舉行康復答謝會，學友已貼身陪伴，翌年農曆新年學友在美國拉斯維加斯舉行演唱會，肥姐坐着輪椅、偕欣宜千里迢迢撐場；同年8月學友紅館開騷時為𠱁在場的肥姐開心，更獻唱她親自點的《輕撫你的臉》。「母子」互相支持打氣，感情之深盡在不言中。