本來是懷念肥肥的追思會，卻變成了聲討大會。網民對於鄧光榮的做法毀譽參半，有人認為鄧光榮多此一舉，但也有網民覺得鄧光榮對秋官的質問，道盡當場不少人士的心裏話。
「不應令欣宜太難做」
有人認為鄧光榮「好心做壞事」，始終「一家唔知一家事」。親子王國的ysnmama說：「明白鄧光榮好愛錫肥肥……但既然肥肥已去世，應該讓她好好安息，也不應令小女孩欣宜太難做」。eva1320也認為鄧光榮此舉旨在「為咗畀自己發洩」。
高登討論區的「犬養學富」更提出質疑，「一個有家室嘅男人是否必須出席分開咗十幾年前妻嘅喪禮呢？」網友「迫爆神」和應：「婚都離咗咁耐，去喪禮係道義，唔去亦有道理。」
落難皇后則認為「將人哋家事擺上台，好唔尊重死者。」LightBuLB~則比較中肯，「秋官係咪衰人，茵兒（欣宜）最清楚。」
雖然不少人不認同鄧光榮的行為，但jokerx在迷你論壇表示：「佢講咗當場好多人心入面想講的嘢。」Uwants.com討論區的kakat更讚許稱：「佢講得啱，鬧得好……鄧光榮係錫肥肥先會沉唔住氣……欣宜得20歲，做老竇點都應該幫吓手搞吓身後事。」
本報記者