大家有冇去過借庫呢？聽日又係觀音開庫嘞，又係大家去借庫好時機，圈中有好多藝人都有借庫習慣，其中一位就係啲錢多到使唔晒嘅「富美人」，但佢借庫嘅方法同人哋唔同，關仁同大家分享吓！
借完一個又一個
聽講有一次富美人去朋友屋企攻打四方城，佢飲水時唔小心整濕咗條褲，於是問個屋主借咗條褲着住走，本來借條褲救急都冇乜所謂，不過個屋主朋友自從俾佢借咗條褲之後，次次打牌都輸到攤攤腰，於是佢諗起畀富美人借咗條褲，結果佢忍唔住問番富美人攞番條褲，之後呢位朋友就冇再輸錢。呢個世界都咪話唔信邪，原來富美人好鍾意出呢招，經常問人借褲，唔止攞意頭，連人哋啲富運都攞埋。
Textby關仁
