韓星池城日前被踢爆，同曾合演04年韓劇《再與你共舞》嘅女星李寶英擦出愛火花。池城前晚出席劇集《NewHeart》喺首爾舉行嘅慶功宴時，就被場內幾十名記者包圍詢問。不過佢笑住口話：「好多謝大家支持齣劇，但請唔好問有關戀情嘅嘢！」有人話池城見慶功宴有咁多前輩，唔想借戀情出風頭博搶鏡喎。究竟佢想迴避問題定係費事搶風頭，就真係得佢先知啦！