港人生活節奏急促，搭港鐵也爭取時間睇報紙，Net人覺得只要不騷擾其他乘客，並無不妥，樓主「BiBiRain」卻怨聲載道：「我好唔鍾意有啲人喺返工時間，最迫最多人嘅時候仲揭開份報紙睇。」原來好多網友有同樣不愉快經歷，「好大個口嘅大口仔」更試過被報紙𠝹面，「我又係好憎！仲要遞到人哋塊面咁高，成日𠝹親我塊面。」
「~MaDuSo~」痛斥這種行為自私自利，「一啲都唔理吓其他人嘅感受！」「JiHoon」最怕聞報紙味，「已經無位㗎啦，仲要攤大張報紙，啲報紙味搞到架車好臭！」曾被報紙弄黑靚衫的「~*FRESH*~」亦投訴，「我鍾意着白色衫，啲人一睇報紙就揩到啲墨，好快變黑，想避都避唔到。」
「Bea」認為港人要向日本人學習，「要讚吓啲日本人，佢哋唔會喺地鐵咁樣睇報紙，會摺到好細張嚟睇。」
http://www.beautyexchange.com.hk/revamp/forums/read.php?4 ,3754041