呢兩年啲汽油價格日日係咁升，搞到班揸開汽油私家車嘅車主都日諗夜諗換番部柴油車做座駕，貪佢油費平一截之外，最重要係好多都係Pick-up款，望落去都型啲吖！若然你都有咁嘅諗法，兼且積極睇車等換車嘅話，咁就不妨趁今日有時間，走去大埔超級城參觀韓國雙龍汽車嘅車展啦！
喺呢次車展入面，主要展出嘅車款會係最新08年版本ActyonSports，雖然外觀同原有型號相近，一樣咁型，不過最重要係佢嘅動力核心仍然係一台符合EuroIV環保條例嘅2.0公升直4柴油Turbo引擎，最大馬力輸出可以去到141匹，至於波箱就改用咗6前速+/-半自動波型號，起步加速表現更爽快。
最後，我諗大家最關心嘅都係即場買車有咩Offer。如果你選購現貨型號，就即刻送你價值$12,000嘅DVD影碟播放器連倒車攝錄鏡頭，不過數量有限，送完就無㗎啦！
記者：鄭達基
雙龍ActyonSports車展
時間：今日10am-8pm
地點：大埔超級城C區大堂