打仔「唔驚」同鬥靚出身、早排去二奶台拍劇嘅「飯鏟頭」有過一段情，以為唔驚好打就唔驚飯鏟頭？錯晒，以前佢都不知幾怕飯鏟頭呀！當年唔驚喺內地捱過好長日子，由於佢又平又打得，又識得冧老細，所以好多片商同劇組都肯用佢，本來佢都儲咗幾百萬人仔做老婆本嘅，點知佢同飯鏟頭合作拍戲時，對喜歡扮憐弱嘅飯鏟頭驚為天人，冇耐仲撻着埋。不過飯鏟頭絕對係拜金女，有錢萬歲，冇錢就咪搵佢，唔驚辛辛苦苦賺番嚟嘅血汗錢要分批上繳，一時畀飯鏟頭投資買樓，一時又要畀佢買吓名牌衫着，結果飯鏟頭將唔驚啲錢榨亁榨淨後即時起飛腳。唔驚人財兩空，但用幾百萬買呢件飯鏟頭嘅教訓，關仁就覺得真係貴囉。
Textby關仁