最近重出江湖嘅女歌手「胃腩」，雖然退隱咗江湖多年，但耍手段𢱑撈嘅伎倆一啲都冇生疏到，好似最近「字母台」就俾佢玩到陀陀擰。
關仁聽講話字母台想搵胃腩做個大騷，胃腩就一直話未知個期得唔得，又唔肯直接推咗個job，但轉頭佢就同三色台報寸，話字母台搵佢做大騷，講到自己不知孭幾重飛，三色台向來都唔放過字母台，一聽佢咁講，梗係唔想胃腩倒戈相向，於是即刻搵佢做個特備節目。然後喺字母台開騷前幾日，胃腩先至施施然咁回覆話自己個期唔得，實情係胃腩借字母台嚟自抬身價，等三色台搵佢做騷谷人氣至真，又難怪字母台班高層嬲到死死吓！
Textby關仁