澳洲天后KylieMinogue出道咁多年賺埋唔少，最近佢仲炒埋樓，將其位於家鄉墨爾本附近嘅一座海景豪宅放售，叫價約1,600萬港元，賣得出都幾好執。
該幢總面積達100公頃嘅物業，係Kylie於三年前以300萬港元買入，並用咗600萬港元大裝修，預定作為與前男友奧利華馬天尼斯（OlivierMartinez）嘅愛巢，Kylie後來患上癌症，都喺呢度休養。從地產商相片所見，全屋以歐洲式裝修，據講係Kylie為咗迎合奧利華嘅品味，不過𠵱家佢哋已經分咗手，間屋要賣都無可厚非。但係當地居民就話好唔捨得Kylie，因為Kylie不但係一位好鄰居，仲捐咗唔少錢畀當地嘅社區㖭。