身為廣播劇大使的孫耀威（Eric）昨日到太古城中心，為港台主辦的廣播劇大賽擔任評判。已多年未有拍劇的Eric表示有意再度接拍劇集，又希望演出令人毛骨悚然的變態角色。
TVB曾邀拍劇
擔任評判的Eric接受訪問時，提到年前尚未重返香港樂壇，TVB已曾邀請合作，他說：「其實我好樂意㗎，不過仲未有時間囉，因為我聽講拍無綫劇係非人生活，仲辛苦過以前喺內地拍。」
問到想飾演那一種角色時，他說：「最好演啲同自己好唔同嘅，好似《人肉叉燒包》嗰種，雖然我個樣好似好公子咁，不過其實可以好變態，有生之年一定要演一次。」之後他又提到不會放棄電視和電影發展，他說：「其實我拍咁多年劇，最大得益就係學識咗入戲，咁對我唱歌都有好大幫助，所以我一定唔會放棄演戲。」
採訪、攝影：藍文浩