前晚讀者阿樂喺〈拉闊足球場〉越講越激，話佢身為曼聯躉，由細到大至憎利物浦；此話惹嚟紅軍躉Ringo大反擊……。節目後同阿樂通電，佢話想向紅軍躉道歉，唔使啩？藍鑽石講過八十年代睇英國波，分曼聯、利記兩派，就好似當年聽歌，唔係鍾意Leslie就係鍾意阿倫一樣。睇波本來就有愛恨，無對錯，而無愛恨投入極都有限，同條死魚有乜分別？
不過貼波就唔可以有愛恨，好似我對祖雲達斯冇乜好感，明日一樣貼佢贏費倫。理據？咁快講咗明日段稿仲有人睇嘅？賣關子先。
主客和：祖雲達斯勝
心得：準備好晒，明日講
近5場往績：贏輸贏贏贏
藍鑽石
忙於為與簡拿華路同日生的囡囡換片、掃風，但睇意甲，一場都不能少。