好多人喺買二手車嗰陣，都會擔心部車會唔會係「積木車」，又或者係「事故車」之外，攞咗車之後嘅保養問題，都係車主們最關注嘅，最怕部車有問題嗰陣賣車畀你嘅車行又唔肯負責，真係唔知點算好！不過，如果你部車係喺九龍灣綜合名車展選購嘅話，咁就唔使擔心有呢啲問題出現。
因為喺日前，九龍灣綜合名車展同MotorMech捷信汽車維修站簽訂合作協議，由即日起推出「3個月售後保用服務」，藉此為用家喺買車嗰陣提供最大保障之餘，更成為全港首個推行汽車保用服務嘅汽車展銷場。呢項售後保用服務嘅保障期為3個月或5,000公里（以先到者為準），而受保障嘅項目包括引擎、傳動、懸掛、轉向及制動系統等等，倘若買家喺保養期內發覺車輛有任何問題，只要聯絡任何一間MotorMech嘅服務中心，就可以獲得全面同妥善嘅維修服務同支援。汽車展銷場有呢啲保用服務，係咪買車都買得安心啲呢！
記者、攝影：鄭達基