男人永遠唔會明女人諗乜，女人永遠唔知男人背住佢哋講乜。男人唔明點解將件衫反轉晾，會令女人怒火中燒；男人唔知點解女人成日都問「點解」、「唔即係點先」；女人最鍾意聽「真心話」，尤其係男人不能說的秘密，引君入甕前多數會講「最緊要坦白，我只想知道真相，往事我唔會追究！」
同樣地，男人睇波睇到自言自語，興奮彈起，女人以為我哋鬼上身；女人更唔明點解男人會「十問九唔應」或「話極都唔聽」；假如男人工作好攰返到屋企，女人有如AK47咁不斷「開火」，只會導致「二戰」爆發！
獅子同老虎可以共冶一「籠」，但最不可思議係男人同女人兩種完全唔同類型嘅動物，竟可同一屋簷下；唔明唔緊要，今周巴塞贏波最易明，上盤去「馬」！
讓球：巴塞隆拿（上）
心得：雙「隆」出海，唔「會」後悔
近5場往績：贏輸贏贏輸
阿呢斯奧
麻甩瘋漢，堅持踎低可以噴米粉；深信唔賭唔知時辰到，唔睇唔知邊隊好。