好多人覺得飲茶好老坑，但我就好鍾意。喺屋企飲開普洱，仲飲咗成廿幾年，不過去茶樓飲啲朋友嫌普洱太濃，通常叫壽眉、香片或龍井，味道淡啲易入口，惟感覺上唔似飲茶。戰友吾中同畢傑居然同我同一口味，不過吾中話多飲普洱啲牙會黃，近年經已冇飲。
除咗中國茶之外，日本茶我都啱，最鍾意以前由松琼菜菜子代言嗰隻日本牌子嘅綠茶，甘甘哋苦苦哋，幾好飲㗎。日本波今日開番，由鹿角對三箭嘅日超盃嚟打頭陣，我梗係要推介啦。呢個盃近幾屆都多入波，就要入球「大」。
入球大細：鹿島鹿角大
心得：日本波、入波多
近5場往績：贏贏贏輸輸
青蛙仔
睇德國波同埋英國波大，大個之後攻埋日本波，兼且對日本藝能界幾有研究。