蕭若元昨日在中環出席變靚D整形外科診所開張活動，對於自己日前在網上電台指鍾欣桐是媾仔王，他說：「係啲工作人員同我講嘅，媾仔無罪，係女仔都鍾意媾仔。」問到他可有看過網上流傳的淫照時，他說：「我睇咗幾十張之後都冇心機睇，影得都冇美感，不過唔睇就好蝕底，全香港有7成人睇咗，咁唔睇唔知個嚴重性，通街派錢你唔執咩？」
「阿嬌做修女」
對於陳冠希宣佈退出香港娛樂圈，蕭若元大表贊成，更指他應該出家。蕭若元說：「佢同阿嬌都要出家，不過阿嬌剃光頭唔靚，不如去做修女，以表深切懺悔，做愛唔可以公開嘅，係會破壞人類社會。」
此外，蕭若元又以第一美人稱呼張栢芝，他說：「栢芝都係近年嘅香港第一美人，有邊個國家嘅第一美人出呢啲相會唔睇，唔睇我輸乜嘢都得。」
採訪：王崇穎 攝影：仇志德