沙田及火炭區多年未有大型新盤推出，信和火炭何東樓項目ThePalazzo，發展商表示會喺今年上半年發售，有機會成為將軍澳日出康城首都後，鼠年第二個新盤，呢個盤共有10座，提供超過1300個單位，基座有商場同會所。
呢個盤最大賣點係近港鐵火炭站，而且約半數單位向城門河、沙田馬場及彭福公園，景觀可媲美鄰近嘅駿景園。
雖然𠵱家未有示範單位睇，不過趁假日可以去現場睇吓附近環境同設施，之後搭一個站，到沙田禾輋商場，有藝術表演欣賞。唔想個個禮拜日都係行街睇戲，今日下晝三點，去禾輋商場免費欣賞杖頭木偶、提線木偶、掌中木偶及皮影等表演啦。
