青瓜煮圍蝦可算是潮州菜式，怪師傅特地選用蒜子代替蒜頭，因為怪師傅話蒜子味道較清香，食落無咁辛辣，再加上香味四溢的中芹，整碟餸味道更突出。
記者：林佩婷
攝影：林栢鈞
示範：怪師傅烹飪工作坊負責人怪師傅
（http://www.masterwhy.com/）
怪師傅
從事飲食業三十五年，由於做事方式及性格古怪，故被人叫做怪師傅。最拿手煮山東豬扒及黃金蝦。
青瓜煮圍蝦
需時：0hr20min
份量：4人
揀基圍蝦最緊要新鮮，若你見到蝦身變白，就代表已死去多時，千萬不要買。
材料
青瓜1條、基圍蝦1/2斤、冬菜1湯匙、洋葱絲20克、中芹1棵、蒜子2粒、水1杯、薑絲少許、粉絲20克；調味：生抽3茶匙、糖1/2茶匙、胡椒粉少許、花雕1茶匙
做法
1.青瓜洗淨切片待用。
2.開中火起鑊，下中芹、蒜子及洋葱略爆，再下水轉大火略煮。
3.加入青瓜略煮約1分鐘，下基圍蝦及調味料略煮。
4.加入粉絲、冬菜及薑絲略煮即成。
怪師傅話用熱油爆食物時，記得轉用中火，這樣會更易控制。但當中途加入水時候，就要轉用大火，這樣才會快熱。
貼士
青瓜要爽才好吃，記得勿煮太久。
何小姐問：蒜子其實同蒜頭有乜唔同？
答：蒜子同蒜頭都係蒜類，蒜頭就球狀般，味道辛辣，蒜子就一粒粒的，味道清香。
豉汁蒸釀帶子豆腐
需時：0hr20min
份量：4人
有時在家釀豆腐，上面的材料蒸完後很易掉下來。其實在豆腐面撲一層生粉，就可以黏實釀料。
材料
板豆腐1磚、帶子8隻、葱花/生粉各少許、油1湯匙
豉汁：油4湯匙、豆豉4湯匙、生蒜茸4湯匙、葱花2湯匙、果皮茸1茶匙、水3湯匙、生抽1湯匙、糖1/2茶匙、老抽1/2茶匙、生粉水適量
做法
1.中火開鑊下油、豆豉及生蒜茸略爆，下其餘豉汁料略煮一會，最後打生粉水芡後熄火待用。
2.帶子起雙飛；板豆腐切件後拍上生粉，面放帶子，再淋上豉汁。
3.水滾計蒸約10分鐘，蒸起後下少許熟油及葱花即可。
貼士
最後將油煮熱淋上，可保持餸菜溫度。
Mandy問：除豉汁料外，可以用咩汁呢？
答：想方便就可以用XO醬，做法都係一樣。
XO醬爆龍脷柳
需時：0hr20min
份量：4人
想龍脷柳塊保持完整，可先在中間切開，再斜刀切件，這樣做不單止無咁易散開，還很容易煮熟。
材料
龍脷柳1條、冬菇2隻、甘笋片40克、韭黃20克
龍脷柳醃料：鹽1/8茶匙、糖1/2茶匙、生粉2茶匙、胡椒粉少許；XO醬料：XO醬2湯匙、水4湯匙、生抽3茶匙、糖1/2茶匙、生粉2茶匙、麻油少許
做法
1.龍脷柳切件後醃約5至10分鐘。
2.冬菇及甘笋片洗淨汆水備用；開鑊以中火煎熟龍脷柳。
3.起鑊，先下XO醬炒熱，加入冬菇、甘笋片、韭黃及龍脷柳兜勻，最後加入其餘醬料略炒後上碟。
貼士
用XO醬不要灒酒，因為這樣會令餸菜變得更加辣。
梅小姐問：魚柳泡一泡油係咪仲好味啲呢？
答：梗係會好味啲，不過喺屋企煮餸好少炸，所以我又轉用煎，令大家更方便做嘛！
雪白鼠米糍
需時：0hr30min
份量：8粒
用朱古力做甜品，最好選擇寫明煮食用的朱古力，因普通的會有添加劑，很難黏實。
材料
糯米粉10湯匙、糖2湯匙、水200毫升、朱古力適量、椰絲適量、麥提莎8粒、杏仁片16片
做法
1.糯米粉、糖及水拌勻倒入盤中蒸10分鐘後取出待凉。
2.朱古力坐溶後唧成鼠尾巴及眼睛待凉。
3.將糯米糰放在椰絲上，切成八等份，包入麥提莎，做成老鼠形狀。
4.黏上朱古力眼晴，插入兩片杏仁片成耳朵，最後黏上朱古力尾巴於糯米糍上即成。
貼士
在眼睛位先用牙籤拮一下，會更易黏上朱古力。
Jo問：個雪糕筒用咩紙摺呢？
答：呢啲紙叫做叉臘紙，即係食腸粉或者包叉燒嘅紙，亦可以用牛油紙代替，不過價錢貴好多。
網上重溫
http://cooking.appledaily.com