因工墮樓昏迷的釘板工人阿棠（47歲），入住深切治療部兩個多月後，情況稍見好轉，日前已轉到加護病房治療，其妻阿蓮（34歲）終可鬆口氣。自丈夫出事後，阿蓮身兼父職照顧三名年幼子女（5至11歲），加上每天抽空到醫院探望丈夫，身心俱疲，她慶幸在最沉痛的日子裏，有善心讀者支持和捐款，讓一家度難關。
「下半身未可郁動」
雖然阿棠康復進展比預期慢，但阿蓮仍深信丈夫有一天能站起來。「醫生話佢個肺同埋呼吸較弱，下半身仲未可以郁動。不過佢做完頸椎手術後已經醒番，同埋認得人，仲識得郁吓手指、做口形表達自己，我已經好安慰。」
次女對於爸爸多月來不歸家，常問她：「爸爸幾時可以出院？好番未？我好掛住佢！」由於家住屯門，阿蓮帶着三名子女往沙田威爾斯醫院，長途跋涉，車資花費甚大。故此，自丈夫出事後，她只曾兩度帶子女到醫院探望。
阿蓮十分感激事發後蘋果日報慈善基金撥款1萬元給她解困，她又感激基金及善長捐款，助他們度過經濟難關。目前她最大心願是丈夫能盡早康復，一家五口團聚。蘋果基金至今共收到善款約16萬元，善款將用作支援阿棠一家於綜援以外的經濟開支，並陸續按其需要發放。
工業意外發生於去年12月2日，釘板工人阿棠在大埔林錦公路塘面村的三層高村屋頂墮樓重創，送院後情況一度危殆。
捐款編號：C2449
捐款請瀏覽： http://charity.atnext.com