今年16歲的日本青春女星北乃紀伊，上年憑日劇《LIFE》嶄露頭角之後，近日獲欽點夥拍人氣組合WaT成員Wentz瑛士為真人版《鬼太郎2》擔任女主角。《鬼太郎》電影上年票房大賣，北乃被睇好人氣會更上一層樓。
工作不斷嘅北乃，雖然唔能夠日日更新網誌，但一有時間都會將工作花絮放上blog，原來佢日前除去咗教堂拍攝新劇外，仲為電視台主持普通話節目，又一度去上海拍外景。
北乃仲係繼堀北真希同新垣結衣之後，獲選為全日本高校足球大會嘅宣傳大使，早前佢現身球場為一班選手打氣，認真唔話得。
網址： http://blogs.yahoo.co.jp/yokoyokoberry