洪天明、房祖名及吳嘉龍最近同被屈涉及鄧麗欣一宗誤傳新聞，巧合地，三人的父親洪金寶、成龍及吳耀漢多年前曾在電影《夏日福星》中合作過，片中最經典的是女主角關之琳穿白恤衫浸在浴缸透點一幕。
昨日洪金寶接受商台電話訪問，再談其子被屈一事，他激動地說：「我都一頭霧水，嗰個造謠者都好犀利好巴閉，牽連好多人，又話我當時都在場。」洪金寶力撐天明說：「我都有問個仔，叫佢同我交代，佢咁多女朋友，唔使做埋啲咁嘅嘢，我好知道個仔唔會咁做。」
另外，有傳洪金寶早前與周星馳合作《功夫》不快收場，故轉在內地拍劇，洪金寶說：「唔係，係因為啲人搵我個仔拍劇，其中一個條件係想我撐場，同埋我嚟緊都想做導演捧個仔。」洪金寶又鼓勵欣宜加入娛圈，若她想做打女，他一定會加以培訓她。
採訪：李珮洳