林海峰（Jan）前晚在紅館演出尾場棟篤笑，他的父母、老婆等都來捧場，阿Jan尾場除兩度encore亂唱歌外，又表演倒掛金鈎博得全場掌聲，商台更打算為他加開Part2，日期稍後公佈。阿Jan說：「加場主要係賣帽，因為啲帽好好賣。」
林海峰一連四場的「林海峰是但噏求其大合唱」前晚在紅館結束，除了阿Jan的父母、老婆彭羚、外母、胞姊林珊珊與男友、胞弟林曉峰夫婦等家人捧場外，余安安與林建岳女友Monica、周汶錡、林夕及李民橋等都來欣賞，吳彥祖到場時更引起一陣小騷動，不少觀眾大叫：「好靚仔呀。」
阿Jan在尾場仍有少許扮錯聲及踩水樽接不住的蝦碌情況，但他落足力補數，扮古巨基拉着繩索凌空扮飛的環節，他竟雙手握繩做出引體上升、倒掛金鈎兼凌空翻觔斗的高難度體操動作，博得全場掌聲。
完場後觀眾不離開要encore，阿Jan遲遲未出台，觀眾大叫：「回水。」阿Jan出場時笑說：「叫回水都冇用，我求其搵啲嘢encore，你哋當冇睇過啦。」觀眾大笑。
觀眾唔肯離開
到第二次encore時，阿Jan說：「兩個半鐘又唱又跳又冇休息，得我一個人，想做死人咩？」結果他重演部份已做過的表演動作，又以水淋濕身，並說：「我入行20年都冇歌，唱首《鳳閣恩仇未了情》囉，我有首新歌，未作曲未填詞未編曲嘅，𠵱家唱畀大家聽，叫做《如果你唔肯走，我都唔會走》。」阿Jan即席想到甚麼歌詞便唱甚麼，令觀眾捧腹大笑。最後他謂要將掌聲獻給家人便真正完場。
事後商台高層甘菁菁表示打算為阿Jan開Part2加場，地點多數在紅館，日期及場數則未定。阿Jan說：「做完4場，每場都好唔同，第一次似綵排，第二場修剪過，反應好到似天堂；第三場係地獄，因為我把聲爛晒，好多聲扮唔到。第四場食咗藥同補品，過到骨。」
加重唱歌跳舞
談到加場，阿Jan謂不想隔太遠，否則很多內容都要重新再度，到時可能加重唱歌及跳舞部份，他說：「加場主要係賣帽，因為啲帽好好賣，雪災搞到唔夠貨，啲人想買帽多過睇騷。」他又笑說扮郭富城反轉的舞台，可以申請健力士最細的反轉小舞台紀錄。問到玩城城舞台，事前有否知會小美，阿Jan說：「冇，我喺拉斯維加斯睇KaShow，我都想叫小美嚟睇，佢整咗好多補品畀我呀。」
採訪：李珮洳
攝影：陳俊強