鼎泰豐被紐約時報評介為世界十大餐廳之一，不過之前在黃埔美食城搞出一個失敗之作，令人記憶猶新。為了一洗頹風，最近在新港中心開了一家直營店。多年前曾在台灣總店吃過鎮店小籠包，印象極佳，因為真正做到皮薄餡靚多汁的效果。至於香港新店又如何？之前到新店試食，當小籠包熱辣辣捧出的時間，馬上按捺不住，夾起一個來「驗身」，湯汁可以在包內盪來盪去而皮沒穿，初步結果合格；看表面褶口收得靚，應有16-18褶，身材很標準。「啪」入口湯汁剛好而餡料不「削」，果然不負金漆。不過之前看到網上一些食評說不及台灣，原因可能係商場冷氣勁又有抽濕作用，皮身會易凉及「收水」，令食味打了折扣。要吃最好的「鼎泰豐」一定要趁熱，最好吃一籠點一籠，咁就包無衰。
