早前因為淫照事件而「病」了近兩周的鍾欣桐（阿嬌），被發現原來一直居於緋聞男友麥浚龍的淺水灣豪宅，軒然大波似乎仍未有影響阿嬌戀愛大過天的心情，剛巧曾與阿嬌合作拍攝《功夫足球》的蕭若元，日前就在網上電台大爆阿嬌一向是「媾仔王」。
才子蕭若元一向以大膽敢言見稱，在主持其網上電台節目《蕭鼓聲中》時，就大爆鍾欣桐幕後不為人知的一面。他在節目中與另外兩位主持提起近日的淫照事件，更分析相中各位疑似人物的心理狀態，又大談阿嬌的為人，他說：「佢拍過呢個《功夫足球》吖嘛，佢係個媾仔王嚟嘅，佢一唔拍戲咋，行埋一邊兩秒鐘都喺度媾緊仔㗎喇。即係sendsms畀仔呀，同仔煲電話粥呀，日日夜夜都做緊呢啲嘢嘅。」
「要喊到暈先得」
據知，《功夫足球》在03年5月開拍，當時阿嬌正周旋於陳冠希與余文樂之間，相信與阿嬌短信及電話傳情的正是以上兩人。蕭若元也有討論阿嬌在月中舉行的記者會上發表的「天真論」，他說：「做得唔好囉，真係做得唔好，一樣咁大鑊嘅嘢，唔係可以輕輕講兩句㗎，一定要有啲痛切嘅懺悔……上次眼濕濕，今次要喊到暈咗先得㗎。」
此外，張栢芝胞弟張豪龍的女友何紫綸（Ann），前晚到蘭桂坊出席護膚品牌活動，問她有傳栢芝與霆鋒離婚，她說：「冇咁嘅事，佢哋感情非常好，係絕對好，之前都有上佢哋屋企拜年，有賭吓錢，都有收佢哋雙封利是。」問會否與豪龍拍慾照，她說：「我哋好傳統，冇影過。」
「做番人做嘅嘢」
徐濠縈前晚出席銅鑼灣舉行的活動時也表示，栢芝與霆鋒的婚姻沒有問題，對於淫照事件，有指是教育下一代的反面教材，問她可有灌輸性知識給女兒時，她聞言大吃一驚說：「我個三歲咋，佢都唔知乜嘢事，希望呢啲事快啲過去，對任何一方都唔好。」
陳小春提起淫照事件時，就以應采兒的合照暗寸Edison。日前應采兒將與小春滑雪的合照放上網，小春笑言不知情，當記者追問小春可會提醒要小心處理親密照，他暗寸Edison說：「我係人梗係做番人做嘅嘢，我要開記者會宣佈我當時太開心，蒙蔽咗自己，點解會同佢影埋啲咁嘅相，點解佢會放上網，我會保留追究法律嘅權利，叫佢同我代表律師傾啦。」採訪：丁寧、顏英儀
蕭若元網上節目
http://www.myradio.com.hk/channel/shiu.htm
