呢個禮拜，叫人印象最深刻，莫過於熱刺爆出小冷門、擊敗車路士贏得聯賽盃，以及阿仙奴前鋒伊度亞度達施華喺英超，為球隊作客鬥伯明翰時，被對方守將馬田泰萊踢中嘅「恐怖斷腳」事件。
Blog友們亦紛紛討論呢兩個熱話，車路士冇咗隻聯賽盃，淨番落嚟嘅聯賽、歐聯及足總盃，會唔會都滑鐵爐，搞到今季四大皆空呢？大部份Blog友就真係睇死佢哋會落得此下場。
「彭蛇」話伊度亞度達施華斷腳，唔關球證事，而係球員操守問題，越講越激，仲罵番我蘋波人出呢個題目畀大家討論，呢位「彭蛇」真好火噃！
即場來料：吾中青蛙仔齊中盤
阿呢斯奧：喜伯年一對土炮箭頭夠勁，單W必殺！（結果：喜伯年2:0恩華尼斯）
吾中：阿積士個陣對辦，加上唔信NAC咁多咀，我同蘋果波神都推介阿積士（讓平/半）上盤。（結果：NAC2:3阿積士）
藍鑽石：初步心水，仲係羅馬「細」同埋卡利亞里（受讓平/半）下盤，一陣臨場睇完陣再同大家分享。（結果：羅馬1:0費倫天拿）（結果：卡利亞里1:0拉素）
青蛙仔：黑仔王BALLACK冇正選，熱刺（受讓平/半）下盤掂呀。（結果：車路士1:1熱刺）
有獎遊戲：C朗劫幾多條「富」？
今期有獎遊戲，就係要大家估下今季「弗」到漏油嘅曼聯球星C朗，今周末聯賽對富咸時入到幾多球，冇入球？一球？兩球？帽子戲法？即上球蘋家blog，估中即送你Niketee一件，名額3位。
第3期遊戲答案：伊巴謙莫域
中獎名單：footwing、win-d
本報將另行通知得獎者取獎品方法
下周預告
http://hk.myblog.yahoo.com/appleballmen/
星期一：賽後蘋論
英超一輪激戰，俾你馬後炮發言機會
星期二、三：即場來料
歐聯大戰，即場來料越夜越有機
星期四：有獎遊戲
自問足球迷，豐富獎品等你攞
星期六、日：即場來料
大戰連場，名家即場為你指點迷津