呼～～鬆咗一口氣，上期推介嘅布力般清清脆脆擊敗保頓，幫〈早飛王〉止跌，唔係摩頓柏達臣完場前搞破壞，我個3:1波膽都中埋。好！今期揀周日嘅樸茨茅夫，可以作客喺「盤王」愛華頓身上劫走分數，「客勝」去馬。畢傑
我知愛華頓係今季英超嘅「盤王」，27場聯賽入面贏咗17場盤，但係波友要留意喎，「拖肥糖」作客嘅贏盤率高過主場，數據明顯顯示佢哋多數喺受讓情況下先贏盤。睇開波嘅球迷都知愛華頓唔係一支主攻球隊，4-1-4-1或4-5-1單箭頭戰術，反映領隊莫耶斯鍾意同對手搶中場，唔急於鬥攻力爭勝。要讓實力差唔多嘅樸茅？牙煙牙煙！
客觀啲睇，今季愛華頓整體戰力確實高樸茅少少，佢哋靠中場線搵食，卡希爾、派拿負責攻，卡斯利、奧士文負責守。本來有阿廸達壓場會高好多嘅，可惜呢位西班牙仔同加維臣仍要養傷，而近期表現唔錯嘅派拿又有微傷在身，中場力量唔會一面倒贏晒。
兩軍中場一樣模式
樸茅隊形、模式都同愛華頓有啲相似，你有卡希爾同派拿呢啲上腳型嘅技術球員，我夠有腳法細膩嘅卡蘭積卡同蒙達利咯，中路攔截又有狄亞拉或柏巴廸奧普，所以我認為兩者中場線好似，樸茅唔會輸蝕。
今周樸茅續有派密斯、柏馬洛特兩位守將缺陣，不過門將占士近期上晒身，佢前面又有蘇甘保同廸斯甸頂住。至於前鋒紐根特好大機會借去葉士域治，佢成季都唔係正選兼主力，走人冇乜大不了。前面有廸科爾、烏達卡同簡奴已經夠殺。
仲有呀，今季樸茅喺聯賽受讓[+1]開過9場，淨係輸過畀Big4咋。呢類五五波嘅場次，如果開愛華頓讓平/半低水或半球高水都合理啲，𠵱家足智彩開到[-1]，或是受到「拖肥糖」近期頻頻贏盤有關，我就覺得讓唔起喇。樸茅唔輸即可收錢，「客勝」值得提早落注。
早飛王貼士
星期日19 愛華頓vs樸茨茅夫
首選：樸茨茅夫勝[+1]（1.85）
次選：愛華頓和（3.25）
冷選：樸茨茅夫[半勝]（4.2）
《周末早飛超級重心》
阿仙奴下一站「大」「維」
星期六11
阿仙奴vs阿士東維拉3:1（11倍）
這場為本周另一心水場次，博「大」好路。阿仙奴前鋒伊度亞度達施華斷腳提早收「咧」，將連同尹佩斯、高路托尼及桑治等人缺陣，伊保爾則續要停賽。維拉只得後衞美爾保上陣成疑，卡維及艾舒利楊格等人大勇，取「大」。
熱刺氣盛演阿「伯」殺手
星期六12
伯明翰vs熱刺0:1（6倍）
伯明翰上周有馬田泰萊踢斷對手足踝兼完場前迫和阿仙奴贏盤，點計都是時候要還，馬田泰萊還要停賽3場。剛奪聯賽盃的熱刺士氣正盛，宜跟紅頂白；伊高圖及加里夫巴利因傷續缺陣。是役宜取熱刺單W算數。
曼聯有後顧小勝格
星期六14
富咸vs曼聯1:2（7.5倍）
富咸近季與曼聯交手多能取得入球，信往績大可一試紅魔失球波膽。主隊目前只餘西蒙艾利洛一員傷兵。曼聯有朗尼與基斯坦奴朗拿度大勇已夠殺，奈何下周中有歐聯迎戰里昂的後顧，料贏波幅度未必太大，取紅魔小勝開「和局」。