【佛山直擊】沈殿霞生前好友洪金寶，昨日在佛山葉問堂參加新片《葉問》的開鏡儀式，對於肥姐離世，他感到傷痛，周日的追思會他會盡量抽時間出席。洪金寶說：「我趕到返嚟，肥姐遺體已運返去加拿大，我好細個已經認識肥姐，仲俾佢用粗口鬧過，但我唔敢駁嘴。」
盼淫照告一段落
問到欣宜加入娛樂圈會否撐她？他說：「可以幫到一定幫。」談到淫照事件，洪金寶說：「大家唔再寫、網友唔再講，事件就會告一段落，不過喺呢個階段，我諗作為投資者唔會搵佢（陳冠希）拍戲住，但我覺得整件事最唔啱係發相出嚟嘅人，我個人對Edison冇乜嘢。」
此外，該片導演葉偉信、主角甄子丹、黃百鳴與已故詠春宗師葉問兩位兒子葉正及葉準昨日參加《葉》片開鏡禮，甄子丹在戲中飾演葉問一角，對於王家衛又會開拍講述葉問的《一代宗師》？他回應說：「各有各拍，冇乜影響。」
採訪、攝影：曾小嘉