張天愛女兒邢嘉倩的男友潘世亨（Kevin），正是陳冠希（Edison）的拍檔，張天愛前晚謂不怕女兒男友被Edison教壞影淫照。至於榮雪梅的外籍丈夫上月被踢爆拖女，她即公告要停工一年，希望生仔挽救感情。
以「敦煌飛天」為新裝主題的上海灘，前晚在中環舉行2008春夏時裝騷，將古代絲路及佛教文化與摩登popart融合，推動年輕Chinesechic，吸引了張天愛、陳見飛、周汶錡、榮雪梅、萬寶寶和楊其龍等到場。
陳見飛撐弟弟
陳冠希二姊陳見飛前晚不斷迴避記者，只說：「Ilovemybrother！（我愛弟弟）」就火速進場。張天愛與前夫邢李㷧的女兒邢嘉倩，其男友潘世亨正是陳冠希的好朋友兼時裝品牌Clot的生意拍檔，陳冠希愛影床照，問張天愛可會怕他教Kevin影親密照？她說：「唔會，Kevin好正經，唔會影呢啲嘢。」
所謂近朱者赤，張天愛卻大無畏說：「唔會，我對Kevin好有信心，我都唔會問個女有冇影，𠵱家做家長嘅問長問短，佢哋仲反感。好難叫佢哋乖，反而畀啲社會責任佢哋，等佢哋有啲寄託仲好。」
張天愛指邢嘉倩從政，成為海南省政協正是好例子。問她對於陳冠希退出香港娛樂圈及減少出席公開場合，可有影響Kevin的時裝生意？張天愛說：「佢做好多生意，好乖仔。」
榮雪梅盼生仔
另外，名媛榮雪梅的意大利丈夫Stefano，上月被拍到與辣妹拖手遊澳門兼睇演唱會，榮雪梅雖然投丈夫信任票，但之後見她出席活動都形單隻影，問她是否已原諒丈夫？她說：「冇乜原唔原諒，佢冇做錯事，我以前太注重工作，成日唔喺香港，今年我會停晒所有工作，專注喺夫妻關係上面。」
榮雪梅續說：「佢係我嘅最愛，佢冇第二個，我哋仲係好愛對方，賺少啲錢係冇所謂，以前大家好多選擇，𠵱家我覺得佢最好，佢又覺得我最好。今年希望可以生個BB啦，佢都好開心我有咁嘅決定。」
採訪：RitaLeung
攝影：MatthewLam
