今晚好多垃圾盃賽，咪亂石投林
青蛙仔呢排貼英國波好弗
羅馬對國米，值得捧場做定功課
副領隊奇勒加時教路，原來車仔賽前內訌
利物浦市穩奪第４
最新動態
今屆英超有一個奇怪現象，就好似達施華隻黃金左腳咁，幾乎被踢開兩截（剛聽到他有機會在年尾復出，高興過阿仙奴今屆捧盃），前10位球隊每戰力爭3分，想搶紅軍力保嘅第4位，叩歐聯大門；下游，唔計遠遠不夠班嘅打比郡，佢哋之前嘅7隊，則在護級漩渦打滾。波友可以留意紐記在拆禮物日比賽起，錄得2和7負劣績，但仍排在第13位，仲未水浸眼眉，可知其他球隊嘅表現有幾不濟。
每年去到3月起，下游球隊通常勝出比率會提高很多，相反中游分子則每下愈況，今季睇走勢未必，個人只睇好目前排在第12位的米堡，有機會在下半季翻身；雖然早前有報道批評英超太多未夠班嘅年輕領隊，不過37歲嘅修夫基到現在仍力保烏紗，全靠敢做敢創新，賣走活基治，用冒起中堅韋達擔大旗。
中前場用一班後生仔打快攻，有啲盲拳打死老師傅嘅味道，上仗聯賽已令到紅軍防線亂晒龍；今晚足總盃重賽迎戰有唔少老將嘅錫菲聯，睇吓佢哋今屆能唔能夠靠呢個盃長驅直進，進軍下屆歐洲賽。
文：蘋果波神
英超波癡有一個心願，5月話你知！
http://hk.myblog.yahoo.com/appleballmen/