德國出名出產名車，若能喺一眾名車中突圍而出，實力絕對唔講得笑，而Audi就喺今年再度獲得德國最具代表性雜誌《Automotorundsport》，頒發各級BestCar殊榮而成為大贏家。
文：梁美甜
可以喺自家國家咁多名牌車入面脫穎而出，可見Audi有幾巴閉，事實上佢哋喺去年推出嘅車亦的確強勁，好似R8同A4咁，以高科技同寬敞內櫳以及型仔外形贏晒對手。而A3更係第四度蟬聯TopBestCar嘅寶座，據講遲啲Audi會推出A3Cabriolet開篷車，到時又隨時再奪魁喇！應屆北京奧運嘅指定用車A6亦係得獎之列，無他嘅，A6兼具SportCar性能又不失氣質，唔怪得A6喺香港亦好受商家歡迎！唔知嚟緊嘅RS6會唔會未到港就賣到開巷，大家齊齊入WaitingList等餐飽呢？