明星名人公眾安全備受考驗，連名模也不例外。熊黛林前晚行騷後，被醉酒男賓客上前捉手要求合照，幸有保安護身，她卻矇查查不懂自保。台前經驗豐富的琦琦，曾面對瘋狂女fans錫面、影迷電單車追車等，防不勝防。
薛凱琪早前被擲水樽，公眾人物安全備受關注，前晚在會展舉行的「皮草之夜」上，名模琦琦、熊黛林、陳嘉容、陳沛嘉、LisaS.和AnaR.等示範香港設計師的皮草作品後，便發生一段小插曲。
「唔知發生乜事」
熊黛林完騷後，在前台接受記者訪問，中途有一名四眼西裝男士半帶醉意上前，更捉住熊黛林的手要求合照，隨即被保安請離開。熊黛林全程矇查查，她說：「唔驚，我都唔知發生乜事，我唔會同陌生人接觸。」問可有即時保護自己？她笑說：「我咁高，邊個夠膽蝦我！」
提到早前謂想30歲前結婚，郭富城即公開問「areyouready」，熊黛林對此說：「唔好再問喇，我就嚟嫁唔出，好似講到我嚟香港係為咗嫁人咁。」她又謂不想去後台探城城班，寧願在台前做觀眾。
曾被女仔偷吻
甚少行騷的琦琦，穿BennyYeung黑裙打頭陣及壓軸，她透露入行多年，遇過不少瘋狂fans的舉動。她說：「我試過最過份一次，係有個女仔衝過嚟錫我一啖，又試過我同華仔（任達華）喺東北做宣傳，之後有人揸電單車追我哋嘅車，又試過喺新疆，凌晨3點有fans拍門送哈密瓜畀我，佢哋好熱情，不過都好難控制。」琦琦表示模特兒的fans一般比較斯文，通常會送相簿及剪報。
採訪：LawWaiMan
攝影：EdwardChou
