淫照風波後，鍾欣桐（阿嬌）是首個勇敢站出來回應的女星，但廣告商仍紛紛卻步，更有傳Twins將拆夥。阿嬌雖獲公司英皇給予緩衝期暫時休假，不過卻未能令網友停止惡搞，日前有人把阿嬌的照片惡搞成日本AV女優，以大頭相配上日文主題《女星Gillian．震驚淫照曝光》，模仿AV影碟的宣傳手法。
這張虛假的影碟內容介紹中，字眼更相當大膽露骨，又標明售價為1,314日圓（約港幣96元），開售日期為上周四，即陳冠希公開道歉當日。
阿Sa有難同當
身為阿嬌親密戰友的蔡卓妍（阿Sa），雖然前途未卜，但仍保持樂觀，阿Sa昨晚在中環出席上海灘時裝騷，講到阿嬌賺少2,000萬，她即說：「我之前都講過，條路一定好艱難，人生係充滿希望，佢都OK，我哋會共同進退，有信心收復失地。」她不肯透露實際損失多少，對於Twins冇得唱奧運，阿Sa說：「已經傾緊其他奧運嘢，唔好講損失同影響，呢個係一件大事，人生充滿起起跌跌，呢個係困難時間，唔好話拖累，我入行時，好彩有阿嬌同我組合，唔係都唔會有咁好嘅成績。我絕對唔係一個有福同享，有難就各自飛嘅人。」
採訪：梁錦雯、林妃
攝影：林德雄