時尚的modernstyle愛好者，通常都鍾情黑與白，穿在身上總黑白黑白樂此不疲，但用於居室則好睇唔好用，有誰經歷了一天的辛勞，日落後愛回到一個冷冰冰的家？但是tintliving的老闆兼設計師Eric，仍然堅持縱橫於黑白之中，因為他的黑色夾雜着對朋友的細心體貼，白色之上透視出對家人純純的情。
記者︰若藍
攝影︰伍慶泉
黑Bench把酒談心
設計師就是可以在矛盾中找到落腳點，還可滲入人情味，營造一個warmsweethome。愛呼朋喚友嘅人，總愛家裏有個窗台位，讓友人可一邊把酒談心，一邊嘆盡無敵大海景。但窗台總不及攤在梳化上舒服，如將梳化放窗邊又會遮擋海景掃晒興。Eric諗到折衷辦法，把原本鋪上坐墊的窗台，變成有摺叠椅背的黑色bench，有朋友嚟就拉起佢坐，想睇靚景就摺番埋，所以話，只要你有諗頭就可以貪心得起。
鏡牆晒溫情
要數全屋最warm，絕對唔會係顏色或家品，只會係屋企人。Eric千呎新居嘅最新的得意之作，就係大廳的一幅長3米半嘅玻璃MemoriesWall上，放滿大大小小嘅膠相架，全部都係囡囡Anson由細到大嘅成長足印。「有時返到屋企個囡瞓咗覺傾唔到偈，睇吓相都會會心微笑。𠵱家數碼年代，乜都收埋喺電腦內，如果曬咗出嚟就可以成日睇住。又或者可以放朋友寄嚟嘅postcard，得閒聚埋集體回憶吓都唔錯。」
1.大廳擺設好有秩序，想搵件雜物都難。
2.調暗燈光後，就見到水晶燈反射上天花嘅花紋。
3.椅背可摺叠的黑色長凳，就係用來招呼朋友。
4.茶几嘅一格仔黑白牛毛detail，畫龍點睛。
5.飯枱上特地擺放黑白餐具去配襯全屋主色調。
6.有長有方有凹有凸嘅膠相架，放鏡面上拼成MemoriesWall。
7.一粒囡都瞓一張5呎闊嘅床，因為有時Eric都會瞓呢張親子床。
8.櫃上barcodepattern粗幼不一，中間橫放好多50、60年代的MiniDesignerChairs。
9.加入反光銀色鏡面，可擴大視覺空間，櫃下面仲隱藏酒架。
10.PhillipeStarcklaboheme2透明stool，繽紛色彩好突出。
絕不讓雜物曝光
驟眼看Eric屋企，不但用色簡潔，線條都好一致地clear，橫豎工整井然有序，囡囡間房掛牆櫃用直條pattern，飯廳旁嘅櫃都係用鏡底黑條子barcodepattern。此外，全屋甚少雜物，客廳只有電視、梳化和茶几，飯廳只有飯桌吊燈，絕冇多餘物件。「我總認為雜物一定唔可以出現喺廳，囡囡間房只有床同櫃，全個掛牆櫃就放滿衣物同玩具，所以我點都唔買大件玩具。主人房嘅雜物如舊款衫過期書刊就放喺床下底，絕唔會曝光。」
下期上映Geometric風暴
與黑白一樣長期流行的，還有ContemporaryArt，aluminium老闆David話，家品潮流一直都在呢個潮流中不停爭鬥，近期嘅奧運場館同水立方、最新林寶堅尼車款，都不約而同玩Geometric，相信好快就有一場Geometric潮流爆出。
黑白兩道
黑白之家咁正，加番一兩件黑白家品，令全屋慢慢被迷人黑白世界吞噬，一字記之曰︰型！
會轆會走會響嘅Clocky鬧鐘 $498/b
法國Ibride羊仔纖維木板茶几$2,150/b
黑白國際象棋形蠟燭 每個$480/b
當年紅A膠椅，原來抄HenryMassonnet釣魚凳。$399/a
UmbraPentaChair凳腳都有幾何面。$3,999/a
70年代JoeColombo設計嘅BobyTrolley。$2,500/a
a.aluminium（25774066）
灣仔皇后大道東58-64號地舖
b.HOMELESS（25811880）
中環歌賦街29號地下