新財政預算案昨日推出，藝人紛紛讚好，譚詠麟（阿倫）、曾志偉、李珊珊和吳家樂等人，昨日到上環出席美國洛杉磯銀河隊中國行記者會，阿倫說：「OK啦！香港人口老化好嚴重，政府都有周詳計劃。」提到老人沒有增加生果金，他說：「可能唔敢一次過畀咁多錢，因為係個好大嘅數目，政府應該有佢嘅理由。」曾志偉與李珊珊支持減紅酒稅。
「幫補貧苦大眾」
教育方面將實行高中免費教育，育有三名子女的吳家樂叫好說：「香港教育態度偏向辛苦，我有諗過畀個女去外國讀書或者讀國際學校，但小朋友接觸香港嘅嘢會慢咗，所以我想佢習慣填鴨式教育。」
古天樂昨日在中環行騷，他說：「好多嘢都減，政府係還富於民，幫補貧苦大眾。」鄭嘉穎與胡杏兒昨在金鐘出席活動時，嘉穎指預算案忽略老人家，他說：「我諗加少少生果金畀佢哋大家都唔會介意，大家都會老，對老人家要有保障囉。」胡杏兒則說：「我知減稅好開心，我自己有買樓，差餉方面都受惠。」
此外，譚小環昨日在將軍澳電視城接受訪問時說：「最好老人福利做多啲，小朋友教育都好重要，加多啲進修資助同獎學金最好。」
採訪、攝影：王連連