財政司司長曾俊華派糖冧弱勢，62歲靠做家務助理餬口，沒領綜援、沒買樓、沒納稅的「三無」人士梅姐卻另有看法。
梅姐與年老失業的丈夫租住土瓜灣唐樓一個房間，月租1,500元，多年來一直申請不到公屋，連綜援也冇份。她說：「仔女每個月畀二、三千蚊我哋兩老，加埋自己做家務助理嘅二、三千蚊，邊度合資格申請綜援呀，唔通學人叫仔女唔好養我咩！」她昨日看完電視的財政預算案直播後大失所望，「財爺派糖，三無人士真係冇乜着數。」
盼推全民養老金
77歲的卜伯伯，靠每月2,800元綜援金過活，「通漲乜都貴晒，買條魚食三日，自己又有哮喘病，睇政府（公立）醫院，有啲藥要自己畀錢買，派多個月綜援畀我，都解決唔到長遠嘅問題。」他最希望推出全民養老金，而不是一次過式的小恩小惠。
本報記者