Twins原定於4月12日至14日在紅館舉行演唱會，不過鍾欣桐（阿嬌）因受情慾照影響，令其情緒不穩，未能完全投入工作，故決定取消演唱會，該檔期由容祖兒（Joey）取代，臨危受命的Joey接期上陣，她認為現階段不應勉強阿嬌演出。
容祖兒前晚在中環舉行雙喜臨門慶祝會，席間公佈兩張新碟賣個滿堂紅，包括新碟《GLOW》及精選專輯《LoveJoeyLoveFour》，同時宣佈4月12日至14日原定是Twins演唱會的紅館檔期，由「StarLight容祖兒演唱會08」取代。Joey在今年1月尾至2月初已在紅館舉行過演唱會。
「藝人要專業」
Joey前晚一身翠綠色連身裙出席慶祝會，她說：「好開心呢兩張碟賣得好好，已經衝破咗白金唱片銷量。」臨危受命的Joey被問到取代Twins的檔期，可令她們不開心？祖兒說：「唔會，佢哋唔會唔開心，大家唔想阿嬌勉強演出，做娛樂事業嘅藝人要好專業，要做足準備先得，所以公司今次咁安排係好事，我會請佢哋嚟睇，因為上次佢哋都冇嚟睇到。」
縮短學舞課程
為了再度準備演唱會，令祖兒的大計有變，她說：「做Part2演唱會對我嘅計劃有啲改變，因為我會去美國學跳舞進修，本來去一個月，𠵱家唔去咁耐，提早一個星期返嚟，今次去學跳舞係想吸收多啲新事物，希望對演唱會有用。」問她可會有更性感演出，祖兒笑說只要靚便沒有底線。
採訪、攝影：卓美娟
