方大同將於月底喺九龍灣展貿舉行「方大同未來演唱會」，前日佢喺中環開記者會，話會請好友薛凱琪同謝安琪做嘉賓。講開薛凱琪日前遇襲，方大同話：「佢都係小傷，佢好鎮定，處理得好好。任何事都有意外同危險，好似揸車咁啫。」有網友指薛凱琪小題大做，方大同即刻幫老友講說話：「希望每個人諗嘢都正面啲，冇事就最好。」