早年被傳與陳冠希因為爭鍾欣桐（阿嬌）而結怨的余文樂，對於近日阿嬌捲入網上疑似藝人淫照風波，樂仔表示不會回應事件。提到當年是否曾與陳冠希撞膊兼大打出手，他沒否認，只說：「乜都好啦，都隔咗咁耐，我真係唔識講。」
陳冠希和鍾欣桐近日捲入網上疑似藝人淫照風波，連同余文樂當年與陳冠希爭阿嬌而發生撞膊事件的一段三角戀，也被舊事重提，而正忙於宣傳今日上映電影《花花型警》的余文樂，對陳冠希的淫照風波顯得甚迴避。
「也都好啦」
問阿樂當年曾否與陳冠希大打出手？他說：「乜都好啦，都隔咗咁耐，我真係唔識講。」
在電影《花花型警》中，阿樂及陳坤分別飾演鍾嘉欣的舊愛與新歡，阿樂說：「嘉欣飾演我前度女友，所以我同佢完全冇親熱戲，戲中講我同陳坤係有錢仔，成日用啲另類方法查案，我有畏高，其中有場講我用直升機捉賊嘅戲，係我拍得最辛苦嘅一場。」
近年電影市道低迷，但阿樂仍獲不少導演賞識，去年接拍了七套電影，他說：「好多謝導演畀機會我，上年年初我都去咗紐約讀戲劇，雖然花咗六位數字嘅錢，不過我覺得好值得，因為我從來冇受過正統訓練，我希望用多啲唔同嘅方法，去表達唔同嘅角色。」
鍾嘉欣則表示《花》片是她第二部參與的電影，她說：「嗰段時間又拍緊劇集《金石良緣》同《珠光寶氣》，大家幫我度期已經好辛苦，基本上嗰幾個月冇乜點瞓過，𠵱家睇住套電影上映，真係好開心。」
採訪：卓美娟
攝影：陳俊強
髮型：BenYeungofHair、BenLamofIlColpo
化妝：JennyTziong、Marsha
服裝：BCBG