Net人讀小學時，每逢小息完結，當第一次鐘聲響起，全校上下過千名小學生不許動，好像被點穴一樣，只要動一動就會被風紀捉。這條校規像極玩遊戲，帶給無數曾經是小學生的成年人很多童年回憶。
普遍網民認為「最無稽校規」是關於髮型的規定。「嗰時興分界頭，髮腳唔俾長，前面唔可以過眉，『的水』唔可以過耳仔。」有網民心有不甘：「返學點解唔俾gel頭？返學同gel頭有咩衝突？gel頭返學會影響老師教書？」有網民表示：「朝朝起身啲頭髮都起角，又冇咁多時間去洗頭，冇得gel頭成個儍佬咁。」
其他上榜「無稽校規」，還有「冬令時間一定要着校褸返學」、「眼鏡鏡臂唔可以粗過1cm」。
http://forum.hkgolden.com/view.asp?message=1132692
《蘋果》網聞請你報料！大家無論在網上網外發現任何騎呢搞笑的事情，都歡迎提供照片或短片資料。一經採用可獲酬100元
請附姓名、電話及電郵地址，電郵到：mailto:[email protected]