Blogpaper：日頭睡一睡　好過做元帥

對於貪圖食飽睡一睡的人，我曾經嗤之以鼻，覺得他們是社會寄生蟲。相反，自己細細個開始就習慣同時間鬥快，由考試做Paper以至幾時買樓結婚生仔都要同一條無形ModelTimeline交代，所以蔡瀾先生遊到菜欄，對我來說簡直匪夷所思，阿霽講慢活就係天方夜譚。直至副Body殘到爆，先知道要停一停唞一唞，都幾灰。
我慢慢覺得，他們根本不是懶鬼，而是精到甩邊的潮人先鋒。科學研究都證明每日小睡的好處多，就連NASA都叫太空人出發前入去SleepingPod小休片刻，於是折服於偉大同胞幾十年來飯後的小睡習慣。表哥，你好波！

http://appleblogpaper.blogspot.com

aboutme:

thekidult
咁就08。啋。
身體機能開始衰敗，圍內朋友勁多人結婚生仔，錢開始越來越少，個天越來越灰，啲妹妹仔越來越Kai。世界就嚟無彎轉，惟有買多啲嘢討自己歡心，延長自己心理壽命。

小睡是原始需要

我唔係太空人，但我係人。人，唔會嫌命長，亦唔使見到棺材至識得流眼淚。於是我想起DickSo。阿Dick近日於銅鑼灣DelayNoMall開設了全亞洲區首間NappingCentre，當然要去探一探佢。去到Counter，CS的靚女妹妹說阿Dick正在Napping……（咁識嘆，抵死得佢！）
十零分鐘後，阿Dick從珍珠白色的SleepingPod走出來，見佢精神奕奕中氣十足，劈頭第一句就話：「喂，你好殘呀﹗」
「所以咪搵你囉。」
「一陣間使唔使開會﹖」
「要。」
「咁你做20分鐘Session至好走呀。」
以前的阿Dick，一年365日日日做到無停手，做到謝時，為爭取休息時間，試過在廁格、更衣室、辦公桌上、甚至車內小睡。久而久之，阿Dick都希望將來自己公司可以向員工提供小休的設施。後來，當知道美國方面有這個符合人體力學設計功能、以及就睡眠周期而特別設計的SleepingPod，便即時引入。
「專業Napping係配合環境、同腦電波InSync、令心臟都得以放鬆。相比喺巴士度、Office度Nap，其實唔一定有幫助，姿勢唔正確，時間過長過短，對Napping功效都有影響。Napping本來就係人類的本能需要，日間如果無一節小睡補充能量，又點可以保護家人以至族人的安全﹖」啱吖，一陣間我去做Presentation個會，稍有差池，7位數字生意隨時煙消雲散。你話，同打仗係咪無分別﹖

眠一眠20大好處

NappingCentre個Counter度，擺放了一本叫《TakeaNap!Changeyourlife.》的小書，作者為一名加州博士，自然揭到去講Napping好處一章，發現原來正正經經小睡一場，竟然有幾大版、一共20大好處，隨便數數，包括提升警覺性、工作準繩度、感官敏銳度，甚至連創意、學習能力同對性生活都有幫助，嘩！
「Napping分開LongNap同ShortNap，不過香港人真係無時間做到LongNap，因為要大約個半鐘，相反ShortNap只需20分鐘就見好處，例如減壓、提升身體狀態及靈巧度等，能持之以恒就更能減低長期病症如心臟病等的發病率；但如果超過30分鐘，個腦就會出現Groggy狀況，即所謂未回魂，但只要冲個熱水浴就會回魂。」

■ArmRest底下的ControlPanel，包括避免客人Overnapping的響鬧裝置。

$9020分鐘精華遊

我看看收費表，30分鐘收90蚊，阿Dick話呢個係PromotionalOffer，短期內如果喺商場內消費仲可以憑贈券免費試用。貴唔貴往往見仁見智，十蚊杯茶餐廳奶茶係入到口，但係貪三四十蚊一杯Latte又係另一碼子的事，因為消費的樂趣，已經由享受產品的本身，轉化成整個消費過程帶來的體驗。
「我哋呢個NappingCentre，最希望客人做完Napping之後，可以完完全全Rejuvenate佢哋自己。部機本身用咗好多年時間研製，而且參考咗好多美國方面有關Napping嘅Studies，淨係設計工序就花咗近萬個小時先完成到，我覺得呢個係接近完美嘅Product。當中供背部以至雙腳休息的椅背曲線，其實參照人體力學原理設計，能令身體、甚至心臟循環系統放鬆而達至全面減壓的效果；其他設計小處亦見心思，例如能夠提供適量Privacy的半開放開合設計、內置跟腦頻率調和的悠揚音樂播放系統連耳筒，以及當NappingSession完成後、椅背微微震動的溫馨提示等。」

■Napping將完結時，SleepingPod內的燈光漸趨明亮。

識撈僱主唔多

講到張椅識飛，可惜，香港人尚未接受Napping。「預咗啦。香港人勤力開，點會無端端接受自己去偷雞小睡，更加唔會叫下屬試。就算HR啲人夠Creative，真係買返公司，好多時都係齋擺，因為根本無人敢做第一個。其實，佢不但可以提高員工嘅工作能力，仲可以將公司塑造成為一個Caring嘅企業，對個Image好有幫助，員工健康，請假都少啲，計落咪一條數。」
外國對此概念當然受落，P&G、Cisco、VirginActive、英倫豪SpaUrbanRetreat以至醫院及音樂學院都對Napping相當支持。無他，人哋當夥計係人，我哋？得寥寥可數幾間金融大行同埋數碼港某豪宅Clubhouse見到Metronaps的蹤影。好彩，我老細都算係識撈之人，所以我已經準備叫佢入番幾部。阿Dick，多謝你個推介﹗

■《TakeaNap!Changeyourlife.》，Amazon有售，淨書價10.36美元。

DelayNoMall（25776988）
地址：銅鑼灣怡和街68號

相簿

NappingCentre由燈光、音樂、氣溫、甚至場地設計，一切以有機為前提。

Blogpaper：日頭睡一睡 好過做元帥

Blogpaper：日頭睡一睡　好過做元帥