李亞男昨日穿上火紅色三點式，拍攝無綫新劇《師奶股神》，她自言雖經常以泳裝示人，但她絕不擔心與陳法拉作比較，更表示不會靠行性感上位。打扮密實的滕麗名卻說：「劇集都唔需要我着（三點式），我靠實力搵食。」頗有火藥味。
林嘉華、李亞男、滕麗名、黃彥欣、黃瑩、曾愛媚及曾瑞珊等，昨日在西貢為無綫新劇《師奶股神》拍外景，無綫租了遊艇及水上電單車出海拍攝，李亞男更一嘗玩水上電單車的滋味，自言十分刺激。
戒口多日喼弗
身為華姐冠軍的她更穿上火紅三點式，大騷身材，她表示為了拍攝昨日的戲份，戒了口多日，更為穿三點式做足安全措施。對於近來不時性感上陣，問到李亞男可擔心被人與陳法拉比較時，她說：「唔驚，都唔怕比較，𠵱家又唔係選美，而且大家都唔同特色，我都唔係靠呢樣嘢，唔係我走嘅路線。」眾女當中滕麗名竟然幸免性感上陣，她說：「劇集都唔需要我着，不過我好滿意自己嘅身材，我呢啲骨感美，我靠實力搵食。」
李亞男昨日於大顯身手玩水上電單車，無綫為安全起見，安排專人從旁指導，李亞男表示十分刺激，更有意考牌，她說：「之前都學過一日，所以問題都唔大，都好易操作，不過隻手比較痠，但真係好好玩。」
林嘉華享艷福
林嘉華自言劇中艷福不淺，他更大讚李亞男身材好，但略為高大，至於會否擔心拍攝中途流鼻血時，他說：「都唔知監製點解咁益我，不過到我咁嘅年紀，都會忍得住。」
採訪、攝影：王崇穎
