劉美君將於4月19及20日舉行首個紅館演唱會，昨日她現身銅鑼灣舉行記者會時事先聲明準時8時15分開騷，她不會做跳火圈、攀鋼架及行鋼線等馬戲表演，整個騷會有故事性，但暫時要賣關子。
被問到會否邀請林憶蓮任嘉賓？劉美君說：「今次有好多歌想唱，唔知cut邊隻好，諗咗自己嘢先啦。」對於林憶蓮個唱被指太平淡太悶？劉美君說：「我唔清楚，不過以我睇咗二、三十年演唱會經驗，外國演唱會連衫都唔換，純粹唱歌。」
「淫照冇乜特別」
談到淫照事件，劉美君謂有看過照片，但沒有與子女談論，她說：「我覺得呢件事冇乜特別，人哋閂埋房門做乜嘢係私生活，最大問題係有人偷啲相發放。」
沈殿霞離世，劉美君大讚肥姐好人，她說：「當年我做新人，佢好照顧我，又請我食嘢，佢去三藩市同拉斯維加斯登台，我都有去捧場，最後一次見佢係2001年，當時佢因為糖尿要戒口瘦咗。」
此外，胡敏珊以贊助商身份出席記者會，被問及龐維仁1月份時明言要追求她，她說：「我同佢係朋友關係，你問番佢，我𠵱家同工作拍拖。」
採訪：馬建華
攝影：陳慧安