鄧麗欣（Stephy）和方力申昨日到商台接受訪問，宣傳二人主演的新片《我的最愛》，Stephy早前曾形容其片中角色「好儍好天真」，似有意暗寸鍾欣桐（阿嬌），但她昨日指自己無心傷害人。Stephy說：「個角色真係咁，當日我都唔記得咁講過，現場啲人亦冇為意，可能好敏感，大家先套用落去第二度，唔好誤會。」她又指阿嬌是同行應會明白。
唔信鋒芝離婚
有指陳冠希的電腦中還存有更多女星淫照，Stephy說：「睇新聞睇到，但係已交畀警方，唔須要評論太多。」提到阿嬌不堪壓力推工作，方力申表示未有致電慰問，又謂覺得阿嬌應量力而為，因為她的壓力的確很大。
談到薛凱琪日前被襲，方力申說：「我唔擔心會俾人惡意中傷同襲擊，行得正企得正。」Stephy則說：「Paco叫我小心啲，要搵猛男保護先得，可能出去要擔遮戴頭盔，總之大家要自律。」
此外，吳國敬昨日在商台談到好友謝霆鋒和張栢芝傳離婚一事時，他說：「我唔擔心佢哋，兩個都好硬淨，我有send過sms畀佢拜年，但佢冇覆。」談到陳冠希公開道歉，吳國敬謂：「係唔係都要道歉，好過冇，件事係一個finish，大家好好保存自己嘅私隱資料，不過啲人好奇心太重，應該立法管制呢樣嘢。」
採訪、攝影：駱華齡