古巨基年前的《勁歌金曲》集合不少流行曲，大受歡迎，他最近又推出一首13分鐘長的國語版的《勁歌金曲》，名為《勁歌金曲2——情歌王》，基仔早前找來台灣靚女曾玹任女主角，更親自執導拍MV，唱片公司斥資60萬元讓他以菲林拍攝。
串連32金曲
基仔說：「今次首歌係用32首金曲串連成一個愛情故事，由熱戀到變心到分手，回憶愛人到最後領悟到愛情係要對方得到幸福，所以搵歌都花咗好多心機。」
基仔在MV中化身整蛋糕師傅，誰知女友出國升學還遇上第三者，導致分手，基仔惟有寄情工作，陰差陽錯被女主角的未婚夫選中，為二人做結婚蛋糕。基仔說：「拍攝當日天氣得8.5度，係入冬以嚟最凍嗰日，我不嬲怕凍，仲要着住薄衫喺室外拍，幾乎變雪條。」
撰文：丁寧