梁朝偉與劉嘉玲拍拖多年，婚嫁問題一直成焦點，嘉玲近年也多番公開表示打算結婚，昨日偉仔談到此問題，坦言自己行年四十多，上有高堂，也是時候成家，他心中早有計劃，但當談到確實婚期，他又以忙碌為由，說來說去都未有眉目。
梁朝偉連續第四年為香港影視娛樂博覽會擔任大使，他昨日一身白西裝黑西褲於灣仔會展出席記者會，只見偉仔臉容帶點肥腫，未知是否中年發福？45歲的梁朝偉與42歲女友劉嘉玲拍拖多年，曾有傳他們已秘密結婚，但嘉玲近年出席公開場合時經常以結婚為話題，一時說計劃中，一時又說沒打算，前日嘉玲又公開謂正籌備婚禮，但昨日偉仔則表示在計劃中，但談到婚期，還是說不出。
已有周詳計劃
偉仔昨日接受訪問談到婚期時說：「係有談婚論嫁過，我哋計劃咗好多年，幾年前就有plan，但一直度唔到期。曾經香港電影圈有低落嘅時候，都有蓬勃嘅，我好鬼忙呀。」問到今年會不會抽出時間結婚？偉仔說：「呢啲人算不如天算啦，只可講有咁嘅計劃。」已向嘉玲求婚成功嗎？偉仔說：「都咁耐，唔使做啦，係我一直度唔到期咋嘛，我有個周詳計劃，詳細嘢會再同大家交代。」
有指他一直在拖嘉玲時間，偉仔否認說：「唔係，我有plan呀，有結果會同大家講，我有眉目㗎，年紀都有番咁上下啦，上有高堂，差嘅係時間考慮，認真啲去處理，我年紀唔細，係要結婚。」
嘉玲去年與台灣首富郭台銘的緋聞傳得鬧哄哄，問偉仔是否因此才考慮結婚？他說：「同我年紀有關啫，我都40幾啦，唔通60幾先結咩，個人體能都唔同咗啦。」
半年時間練功
問到確實婚期，偉仔卻推說自己要為《一代宗師》練功夫，又要為影視娛樂博覽活動宣傳，《赤壁》7月上映，他5月要為該片出席在康城影展舉行的記者會，故未知有否時間結婚。
談到王家衛執導、講述一代詠春大師葉問的《一代宗師》一直未開拍，黃百鳴又開拍該戲而鬧雙胞，偉仔解釋：「我哋最快今年底、明年初開拍，因為好多動作戲，我要半年時間練功夫，演葉問詠春要練得好，我一路懶唔去學功夫，同王家衛冇關。鬧雙胞都冇所謂，大家拍嘅角度唔同。」
至於搞得滿城風雨的淫照事件，偉仔表示不想評論太多，皆因牽涉太多人的私隱，他說：「好多人受害，我只想快啲平息，相信陳冠希退出已經係好沉重嘅代價。」
採訪：魯萍
攝影：仇志德
