張敬軒、鄭希怡、鍾舒曼及泳兒等前晚出席在沙田舉行的「沙田綵燈迎馬術綜合晚會」，張敬軒四月初在紅館開個唱，他表示現階段要勤練氣及多做運動，問到他會否練肌肉露兩手？他說：「呢啲嘢我已經半放棄狀態，本來我想搵老竇做嘉賓，不過俾佢拒絕咗，佢話唔想公開露面。」
問可會請緋聞好友關智斌做嘉賓？張敬軒說：「我唔會親自請佢，如果佢嚟捧場，咪拉佢上台囉！我已經買咗二十張貴飛送畀朋友。」
望歌迷自律
此外，鍾舒曼前晚以超短裙勁歌熱舞，她說：「為防走光打咗兩層底。」鄭希怡接受訪問時提到薛凱琪遇襲事件，她說：「𠵱家啲風氣唔好，以後出席公眾場所會小心一點，不過太多人嘅地方，有時真係防不勝防，希望歌迷同群眾會自律。」
採訪、攝影：卓寶花