鄭秀文（Sammi）和梁詠琪（GiGi）昨日在商台出席第25屆饑饉三十記者會，提到淫照風波，Sammi和GiGi皆表示接受陳冠希的道歉。
「接受佢道歉」
Sammi說：「佢返嚟係承擔個責任，我絕對會信任，觀眾都要時間淡化同消化，可能有啲人接受程度慢啲。我做咗30幾年人都犯過錯，唔接受佢，佢會有絕路嘅感覺。無論係阿嬌定係其他人都係，佢退出都有少少可惜，香港唔會永遠唔歡迎佢。」
GiGi則說：「尊重佢決定，都覺可惜。我接受佢道歉，佢肯道歉即係承認錯誤，佢都有話自己唔係好榜樣，佢肯向大眾道歉應該克服自己嘅心理障礙，已經踏出第一步。阿嬌係女仔，始終陰影會大啲，喺佢事業如日方中發生咁嘅事，希望大家支持佢。」
此外，Sammi和GiGi早前親到老撾探訪，GiGi謂這是她有史以來最辛苦的一次，因她三天只抹身沒冲凉；Sammi則一口氣助養了12個小孩，笑言有當媽媽的感覺，但她未有衝動生小朋友，還打趣說：「未有眉目（指生仔對象），生瘡就有。」
採訪、攝影：駱華齡