薛凱琪（Fiona）和房祖名這對緋聞情人，昨日先後接受商台電話訪問，祖名談到誤傳他強姦鄧麗欣（Stephy）一事時，謂當初十分生氣，並透露大前日在錄音室撞見Stephy，他說：「我個心好恍惚，驚佢嬲我，見到佢有啲唔好意思，我同佢講新年快樂，同埋話如果報章上燒到佢就同佢道歉，鄧小姐話冇事。」
「話我得罪人」
祖名又謂最令他不開心的是，父親成龍曾就此事質問他，他說：「佢要我望住佢講有冇做過，我話梗係冇，佢就好𤷪話我得罪人，一係有人想搞我，仲話我出去玩，所以我好嬲，我媽咪就知我一定冇做。」祖名透露上周五（22日）曾在中環IFC撞見陳冠希和林建岳在吃飯，他即上前慰問。
此外，身在日本大阪拍唱片封套的Fiona，被問到遭方中信踢爆祖名正追求她一事時，她否認說：「梗係冇，方中信亂講嘢，等我鬧佢先，總之我唔覺得係追，祖名對好多朋友都好好。」房祖名則表示當日在電話中感到Fiona聲線委屈及有怨氣，他又謂：「我欠方中信一餐飯，所以佢次次都搞我，我冇追人，拍戲就有。」
採訪：駱華齡