一場藝人淫照風暴觸發成千上萬網民傳閱淫照，雖然明知可能違法，但不少人均抱「邊有咁易拉到我」的心態以身試法。William曾「貪得意」上網「貼鹹相」，最終被警員登門拘捕，十一年後，28歲的William已變身專業人士。他勉勵青少年網民不要心存僥倖，應將對電腦的興趣及知識用於正途。
「好驚好後悔」
別以為警方今天才打擊網上發佈淫褻物品，97年剛考完會考的William，便因貼鹹相被捕。「當日有五個商業罪案調查科嘅探員上嚟拍門，帶埋搜查令入屋話要拉我，同我全家人錄口供，又帶走我部電腦。」William形容他當時「好驚、好後悔」，但一切已經太遲。「返到差館，探員列印咗一叠資料畀我睇，全部係咁耐以嚟，我喺網上講過嘅說話，同埋貼過嘅圖片。」
由於William犯案時未滿18歲，加上沒有案底，因此未被警方正式落案起訴，但要接受警司警誡。「當時唔識諗，上網冇諗過後果，呢件事之後我明白到，做任何事都要負上責任。」
William從此將上網時間專注於鑽研電腦技術，最後投身多媒體創作行業，將興趣變成事業。
今天William任職多媒體技術主任，收入不俗，且已為人父。眼見淫照風暴中有人因轉貼淫照被捕，William感受甚深。「𠵱家網上好多人周圍轉貼淫照，可能想顯示自己嘅能力，或者覺得好威，但呢啲行為會令佢哋後悔莫及。」他勉勵青少年將對電腦的興趣和知識用於正途，將來會有更大成就。
記者 林浚川