偶像組合KAT-TUN成員龜梨和也同女星黑木美沙主演嘅日劇《1磅的福音》，播出以來收視差強人意，只徘徊10%左右。套劇下個月8號就大結局，兩人早前就為結局拍攝結婚場面。首次拍婚戲嘅兩人當日心情好緊張，阿龜大讚黑木話：「佢一直喺戲入面都係着修女服，今次真係好新鮮。」而黑木都禮尚往來讚阿龜着起踢死兔好型仔。