城中名媛「千草草」，平時談吐好鬼妹，又有一鋪凑鬼仔癮，加上次次着衫十足無着咁，人人以為佢好free好open，但原來佢係又要露又怕蝕底。
話說有次佢去捧一位做設計嘅姐妹場，佢着住件大低胸透視衫加喱士胸圍，自然招來記者狂影，千草草見咁多人影佢，興奮起嚟就左扭右扭擺甫士，諗住有得見報不知幾開心，點知佢行到去好姐妹度，兩個人一齊照吓鏡，先知出咗事，千草草發現嗰個喱士胸圍，原來透咗佢胸前嘅邊邊、點點出嚟，嚇到佢即刻𠵱嘩鬼叫，拉實個公關，叫人哋逐間報館打去阻止登佢張相。不過，原來都冇乜人發現佢走咗光，唔知係大家時運高，定係佢膚色夠深呢？
Textby關仁